روميو وجولييت في حارة شعبية كوميديا في سبع مشاهد ع. اغا

المشهد الخامس

روميو في مكتب الهندسة : (original scene، act 2 scene 4: a street )
(في هذه النسخة رشدي = Benvolio، حمدي = Mercutioo)

( روميو يضرب قبضته على المكتب)

روميو : يا هوه

السيد حمدي رئيس المصلحة : بسم الله

روميو :(مرة أخرى) يا هوه

السيد رشدي زميل روميو : لا إنت زودتها قوي

روميو : أنا زهقت خلاص ، هي دي وظيفة ؟ ده أنا مش عاطل عن الوظيفة ... أنا عاطل
 بالوظيفة ، دي حاجة تسد النفس

حمدي : ايه قلة الأدب دي ؟ إسمع يا خوي ، خد النهرده نص اجازة ، اعملك حاجة تروح عن نفسك ... ما عندكش هويات ؟

روميو : هوايات زي إيه يعني ؟ تنس ؟ بنج بونج ؟ رقص بلدي ؟

رشدي : النهاردة ميمشيش غير التنجو

روميو : وأرقصه مع مين ده ؟ مع جولييت ؟ وهي فين ؟

رشدي : كشف المستور يا سيدي ...قول يا سي روميو إن المشكلة مش هنا في مصلحة الهندسة ... صدق الشاعر لما قال "فتش عن النسوان ، تعرف سبب الأحزان ... ورمش عين الحبيبة ... يفرش على فدان "

حمدي : دي تبقى المصيبة الكبرى .. ده عالمعاش الزفت دة يدوب يفرش متر مربع في مساكن التبين الشعبية

روميو : (يكظم غيظه) بدل ما تهزأوني كده، ما تشفولكم حل معاي... أنا حاسس اني جولييت بتحبني صحيح ، بس لسه مفتكره نفسها بنت سلطان القسطنطينية. ده أنا لما اقترحت أكلم والدها ، ضربتني بالقلم
 (رشدي وحمدي يضحكان معاً )

روميو : تعجبكم الصفعة على وجهي ؟

حمدي : طبعا دي الحاجة الوحيدة إلي متغيرتش فيك من عشر سنين . إسمع يا روميو ، البنت ده مش بنت من بطلات الروايات إلي إنت غاوي تقراها ... وإنت مش قدها . إطلب مقابلتها ، وخد معك الأستاذ رشدي كدليل في عالم الحب والزواج

روميو : رشدي ؟ يادي الطامة الكبرى . ده متجوز من ٢٠ سنة ، كل يوم بيشتكي من مراته ، ومفيش مرض مزاروش آخر عشر سنين. هو يعرف إي في الحب والزواج

حمدي : تمام ، الإنسان البسيط ما يتعلمش من اخطاؤه ، لكن لازم يكون الواحد أهبل درجه أولى تميتعلمش من أخطاء غيره .. وآدي رشدي قدامك سلة أخطاء على شكل إنسان . كده تخده معاك للوحي والإلهام

رشدي : تسلم ...

(يفتح الباب وتدخل الدادة )

الدادة (بإزدراء) بقى ده مكتب الهندسة ؟ ومعرفتوش تهندسو الشكل القفر ده ؟

رشدي : حاولنا ... بس المهندسين ميدخلوش في جدول أولويات مصلحة الهندسة .

الدادة : (دون أن تكلف نفسها النظر إليه) شوف يا سي روميو ... جولييت طالبة تلقاك عشان تعطيك فرصة أخيرة . تعال معاي .

رشدي : (بتهكم ) اطلب مأذون ؟

حمدي : آه

رشدي : بسكر زيادة ؟

حمدي : طبعا يا أخي ... (روميو ينظر اليهما بغيظ ويسير وراء الدادة )